Перизат Қайраттың соты тікелей эфирде көрсетілуі мүмкін

BizBirgemiz Qazaqstan қорының жетекшісі Перизат Қайраттың соты тікелей эфирде көрсетілуі мүмкін, деп хабарлайды Orda.kz.

Бұл туралы Жоғарғы сот ҚазАқпаратқа берген ресми жауабында айтты.

«Перизат Кайраттың соңғы қылмыстық ісі сотқа келіп түскен жағдайда, қоғам тарапынан, заңгерлер қауымынан сондай сұраныс болса, сот отырыстарын тікелей эфирде көрсету мәселесі қарастырылуы мүмкін» деп жазды Жоғарғы сот.

«Biz Birgemiz Qazaqstan» қорының басшысы Перизат Қайрат пен оның анасы Ғайни Алашбаеваға қатысты қылмыстық іс бойынша тергеу аяқталды. Іс айыптау актісімен бірге Бас прокуратураға жолданды

Тергеу мәліметіне зер салсақ, Перизат Қайрат мемлекетке 3,5 млрд теңге көлемінде шығын келтірген. Ұрланған қаржыға сатып алынған 865 млн теңгенің мүлкіне тыйым салынды.