Перизат Қайраттың мүліктері бұғатталды

«Біз біргеміз» қайырымдылық қорының басшысы Перизат Қайраттың мүлкі бұғатталды, деп хабарлайды Orda.kz. 

Перизат Қайрат көктемгі су тасқынынан зардап шеккендерге көмек көрсету үшін, сондай-ақ Палестина тұрғындарына гуманитарлық көмек көрсету мақсатында жиналған 1,7 млрд теңгеден астам қаражат жымқырды деген күдікке ілінген. 

Сот санкциясымен қылмыстық жолмен алынған қаражатқа сатып алынған Астана қаласындағы «Akbulak Riviera», «Highvill Ishim Gold», «Көк Жайлау», «Sensata Plaza» ТК, сондай-ақ «Vela Village» коттедж қалашығындағы элиталық жылжымайтын мүлік, Mercedes-Benz S450, Mercedes-Benz EQE 500, Lexus LX-600, Haval автомобильдері бұғатталды.

                                                                                 Видеодан алынған кадр

                                                                            Видеодан алынған кадр

Қаржылық мониторинг агенттігі тәркіленген мүлік заттай дәлелдемелер ретінде танылып, іс материалдарына қосылатынын мәлімдеді. Тергеу жалғасып жатыр.

«Егер сіз Перизат Қайраттың үшінші тұлғаларға ресімделген мүлкінің орналасқан жері туралы ақпаратты білсеңіз, қаржылық мониторинг агенттігіне хабарласуыңызды сұраймыз», деп жазды ҚМА.