Пентагон Қытайдың  барлау шарларын байқап қалды

3 ақпанға қараған түні АҚШ аспанында Қытайдан келген барлау шары көрінді.

Пентагон құрылғының халыққа қауіп төндірмейтінін бірден мәлімдеп, құнды ақпараттың сыртқа шығуына жол бермеу үшін барлық қажетті шараларды дер кезінде қабылдады. Кейінірек америкалық БАҚ-тың хабарлауынша, әуе шары Монтана үстінен атып түсірілген. Мұнда баллистикалық зымырандары бар әуе күштерінің базалары орналасқан. Ал бүгін екінші шар туралы белгілі болды. Ол Латын Америкасының үстінен ұшып бара жатқаны жазылған.

Пентагонның баспасөз хатшысы Патрик Райдердің айтуынша, әуе шарын түсіруден бас тартқанымен, қорғаныс министрлігі АҚШ әуе кеңістігіне ену фактісін халықаралық құқықты бұзу деп санайды.

Ал Қытай Сыртқы істер министрлігі жағдайды «форс-мажор» деп атап, әуе шарының желдің әсерінен жай ғана бағытынан ауытқығанын айтты.