Пекиндегі қазақстандық студенттер алғаш рет сайлауға қатысты

Пекинде оқитын қазақстандық студенттер Темірлан Бисенов пен Жәнібек Совет өмірлерінде бірінші рет сайлауға қатысты, деп хабарлайды ORDA.

Пекиндегі №257 сайлау учаскесінде парламенттік сайлауға алғашқылардан болып қатысқан Қазақстан азаматтарының бірі - Пекин тіл және мәдениет университетінің студенті Темірлан Бисенов және Пекин университетінің студенті Жәнібек Совет болды.

«Шынымды айтсам, өте қызық. Өйткені мен сайлауға бірінші рет қатысып отырмын. Мен үшін бұл жауапты таңдау, мен өзімнің белсенді сайлау құқығымды пайдаландым», - деді Жәнібек Совет.

Өмірінде бірінші рет сайлауға қатысқан қазақстандық студенттер естелік сыйлықтармен марапатталды.

Еске салсақ, бүгін, 10 қаңтарда Нұр-Сұлтан уақытымен таңғы сағат 05: 00-де (жергілікті уақыт бойынша сағат 07: 00-де) Қазақстанның Пекиндегі Қытайдағы елшілігі мен Шанхайдағы Бас консулдығы жанындағы сайлау учаскелері өз жұмысын бастады.

Студенттер, дипломаттар, ұлттық компаниялардың өкілдері және олардың отбасылары Пекинде дауыс бере алады.

Қытайдың Цзянсу, Цзянси, Аньхуэй, Чжэцзян, Фуцзян және Шанхай қалаларында тұратын Қазақстан азаматтары Шанхайдағы Бас консулдықтағы сайлау учаскесінде (№294) дауыс бере алады.