Павлодарлық оқушы қыз қатарласын аяусыз ұрып соқты

Павлодарда қатарластары оқушы қыздың шашын жұлып, басынан тепкен, деп хабарлайды Orda.kz.

Павлодарда Шамкенов атындағы мектеп-лицейдің маңында қызды қатарластары басынан ұрып, шашынан жұлқылап, тіземен теуіп жатқанын көруге болады.Тағы үш адам көріп тұрса да, болып жатқан жайтқа араласпай,  жайбарақат қарап тұрған.

Полиция жанжалға қатысушыларды анықтап, бөлімге жеткізгенін хабарлады. Олардың біреуінің заңды өкіліне қарсы "кәмелетке толмаған баланы тәрбиелеу жөніндегі міндеттерді тиісінше орындамау” бабы бойынша әкімшілік іс қозғалды.

«Жасөспірімнің мінез-құлқын кәмелетке толмағандар істері және олардың құқықтарын қорғау жөніндегі комиссия қарайды. Қызды Шығыс Қазақстан облысының Серебрянск қаласында орналасқан девиантты мінез-құлығы бар балаларға арналған арнайы мектеп-интернатқа жіберуі мүмкін»,  деп мәлімдеді полиция департаменті.

Дәл сондай жағдай бір ай бұрын Семей қаласында болды. Тараған кадрларда бір топ жасөспірім төменгі сынып оқушыны теуіп, басынан ұрып, тіпті үстіне секірген.