Павлодарлық дәрігер ұшақта адам өмірін құтқарып қалды

29 желтоқсанда Ташкент - Астана бағытында ұшып келе жатқан ұшақ бортында  жолаушының жағдайы нашарлап, дәрігер әйелдің жанында болып, бір сағаттан астам уақыт  медициналық көмек көрсетті, деп хабарлайды Orda.kz.

Ұшу кезінде жолаушылардың бірі ауырып қалды. Бортта Павлодарлық дәрігер-анестезиолог Мұрат Сүлейменов болды, ол жедел көмекке келіп, жолаушының жағдайын бақылап отырды.

Бір сағаттан астам уақыт бойы дәрігер барлық қажетті көмегін көрсетті.

«Экипаждың үйлесімді жұмысы мен Мұрат Сүлейменовтің кәсібилігінің арқасында әйелдің жағдайы айтарлықтай жақсарып, ол қалған жолды жеңіл әрі сенімді түрде жалғастыра алды», делінген хабарламада.

Мұрат Сүлейменов Павлодар теміржол ауруханасында анестезиолог болып жұмыс істейді, жоғарғы санаттағы білікті дәрігердің 28 жыл жұмыс өтілі бар.