Павлодарлық қауіпті қылмыскер екі жылдан кейін бостандыққа шықты

Павлодар соты зорлау мен қарақшылығы үшін сотталған қылмыскерді ​​мерзімінен бұрын босатты.

Бұл туралы Orda.kz Еуразия телеарнасына сілтеме жасап хабарлады.

Ауыр қылмысы үшін ол тек екі жылға жуық жаза өтеген. Қылмыстың құрбаны сот шешіміне қарсы шықты.

– Мен бір жағынан қорқамын. Оның түрмеде екенін біліп, өзімді қауіпсіз сезінемін. Ал оның шартты түрде бостандыққа шығуы мені әбден үрейлендірді, - деді қылмыстың құрбаны.

Еске салсақ, 2019 жылдың жазында қыз клубтан таксимен қайтып келе жатқан. Жүргізуші оны жапан далаға апарып зорлап, қымбат телефонын тартып алған. Ер адам үш жарым жылға бас бостандығынан айрылды. Сотталушы сот үкімі оқылған кезде сот залындағы әйнекті сындырмақшы болған. Нәтижесінде ол жазаның жартысын өтеп шыққан. Жақында ол босап шығады. Оқиғаның құрбаны ол түзетіліп шықты деп ойламайды.

– Сотталғанда жазаны өтеу режимін қасақана бұзу болған жоқ және қылмыспен келтірілген залал толық өтелді. Ол мерзімінен бұрын шартты түрде босатылады, - деді Павлодар қаласының №2 сотының бас маманы Гүлсім Ахтаева.