Павлодардың жаңа әкімі тағайындалды

Павлодар қаласының әкімі болып Хасар Қабылбеков тағайындалды.

Бұл туралы қала активінің жиынында белгілі болды.

Ол бұл қызметте қол астындағы қызметкерлер арасында сыбайлас жемқорлықтың алдын алуды нашар ұйымдастыруға байланысты қызметінен босатылған Ержан Иманзайыповтың орнына келді.

2022 жылдың желтоқсанынан бастап Қабылбеков Павлодар облысы әкімінің бірінші орынбасары қызметін атқарды. 2021 жылы «Павлодар облысының құрылыс басқармасы» мемлекеттік мекемесінің басшысы болды, Ақсу қаласы әкімі аппаратын басқарды.