Павлодардардың ойын орталығында бала бес метр биіктіктен құлап, миы шайқалды

Павлодардағы ойын орталықтарының біріндегі лабиринт төбесінен құлаған баланың миы шайқалып,  ауруханаға жеткізілді, деп хабарлайды Orda.kz.

Оқиға туралы ақпаратты зардап шеккен баланың анасы әлеуметтік желілерде таратты. Қазір бала ауруханада жатыр.

«Менің төрт жасар ұлым Амир 12.01.2025 ж. демалыс күндері Batyr Mall сауда-ойын орталығында орналасқан Viking land ойын алаңында шамамен бес метр биіктіктен құлады. Оның мұрны мен аузынан қан кетті. Біз бірден облыстық ауруханаға бардық, қазір миы шайқалған деген диагнозбен жатырмыз» деп жазды баланың анасы. 

Зардап шеккен баланың анасы қауіпсіздік ережелерін сақтауы тиіс кінәлілерді жазалауды сұрайды.

«Жарақат алған кәмелетке толмаған бала ауруханаға жатқызылды. Сауыққаннан кейін сот-медициналық сараптама тағайындалып, нәтижесі бойынша процестік шешім қабылданады»,  деп хабарлады Павлодар полиция департаментінің баспасөз қызметі.