Павлодарда жантүршігерлік жол апаты орын алды

Павлодар облысы Аққулы ауданында болған жол апатынан төрт адам зардап шекті. Оның ішінде екі кәмелетке толмаған бала бар, деп хабарлады облыстық денсаулық сақтау басқармасының баспасөз хатшысы Эльмира Темірғалиева.

Жедел жәрдем қызметіне қоңырау өткен жексенбі, 19 желтоқсан күні сағат 20:24-те түскен. Аққулы ауданындағы Ямышево ауылы маңындағы тас жолда екі көлік соқтығысты. Төрт адам зардап шекті, ересек ер адам, 18 жастағы жігіт және 17, 11 жастағы екі қыз.

2010 жылы туылған қыз балаға бассүйек миының жабық жарақаты, миы шайқалған, маңдайы көгерген, омыртқасы көгерген диагнозы қойылды.

17 жасар қызда ашық бас сүйек-ми жарақаты, ауыр бас миының контузиясы, сызықтық самай сүйегінің сынуы.

18 жастағы ер адамда қатар жүретін жарақат, жабық бас-ми жарақаты, екі қабырғасы сынған.

Үшеуі де ауруханаға жатқызылды, қыз жансақтау бөлімінде жатыр.

Тағы бір жәбірленуші – 40 жастағы ер адам ауруханаға жатудан бас тартты.