Павлодарда жүргізуші жаяу жүргіншіні қағып өлтіріп, оқиға орнынан қашып кетті

Павлодарда жол бойында жаяу жүргіншіні қағып өлтіріп, оқиға орнынан қашып кеткен жүргізуші ұсталды. Бұл туралы Павлодар облысының полиция департаментінің баспасөз қызметі хабарлады.

19 ақпан күні сағат 07:20-да Космонавтов көшесінде Daihatsu Terios көлігінің жүргізушісі 73 жастағы жаяу жүргіншіні қағып кеткен. Ер адам алған жарақаттарынан оқиға орнында көз жұмды.

Жол апатынан кейін жүргізуші қашып кеткен. Полицейлер «Қолға түсіру» жоспарын енгізді.

Нәтижесінде 33 жастағы жүргізуші ұсталды. Көлік тұраққа қойылды. Сот-медициналық сараптама тағайындалды. Тергеу амалдары жүргізіліп жатыр.