Павлодарда зауытта күйік шалған краншы қайтыс болды

Күні кеше Ақсу ферроқорытпа зауытында краншы жұмыс орнында жарақат алды. Бүгін оның аман қалмағаны белгілі болды, деп хабарлайды Orda.kz тілшісі.

Зауыттағы төтенше жағдай 25 мамырда болған. Зардап шеккен әйел санитарлық авиациямен ауруханаға жеткізілді.

«Науқас ауыр жағдайда жансақтау бөлімінде болды, толық емделді. 85%-ға дейін күйік шалғанын және көптеген ағзаларының зақымдалуы салдарынан жүргізіліп жатқан медициналық шараларға қарамастан, ол 29 мамырда қайтыс болды»деп Павлодар облысының денсаулық сақтау басқармасы түсініктеме берді. 

Алдын ала мәлімет бойынша, сол күні балқыту цехындағы шұңқырдың жанына шөміш құлағанын зауыттың өзі хабарлады. Салдарынан бірнеше шүмек отқа оранды. Екі жүргізушіні күйік шалған. Екінші зардап шегуші амбулаторлық ем алып жатыр.