Павлодардағы қоқыста ер адамның мәйіті табылды

Павлодар полициясы 50 жастағы әйелді адам өлтірді деген күдікпен ұстады. Ол уақытша қамау абақтысына жіберілді.

Бұл туралы Orda.kz хабарлады.

– 28 наурызда Павлодар қаласының Лермонтов көшесіндегі үйдің ауласында қоқыс жәшігіінің жанында 38 жастағы ер адамның мәйіті табылды. Оның іш қуысы кесілген. Ауыр қылмыс жасады деген күдікпен 50 жастағы әйел ұсталды, - деді Павлодар облысының ҚДБ бастығы Нұрлан Мәсімов.

Осы факті бойынша сотқа дейінгі тергеу басталды. Ол Қылмыстық Кодекстің 99-бабы 1-бөлігі бойынша қарастырылуда. Күдікті Павлодар қаласының уақытша ұстау изоляторына орналастырылды.

Бұл қылмысты жасаудың мән-жайлары мен себептері сотқа дейінгі тергеу барысында анықталады.