Павлодарда тұрғын үй екіге жарылды

«Астана» телеарнасының хабарлауынша, кіреберістер мен іргетаста жарықшақ пайда болған. Осыған байланысты мұндағы пәтерлердің ішкі температурасы  сырттағымен бірдей, ылғал салдарынан  пәтерлер көгеруге жақын.

Осы үйдің тұрғыны Елена Шестакова журналистерге ол жерде бес жылдан астам тұрып жатқанын, ғимараттың салынғанына 50 жылдай болғанына қарамастан, бұрын ешқандай мәселе болмағанын, тұрғындардың өздері барлық жарықшақтарды жөндеп алғанын айтады. Павлодарлықтар уақыт өте келе үй құлап, үйінді астында қаламыз ба деп қорқады.

— Барлық су пәтерлерге ағып жатыр. Үй құлап жатыр. Ол бір күні опырылып қалады. Бұл іргетастан кірген су, иә, судың құрылысты  қалай тоздыратынын бәрі түсінеді. Мұнда да  солай болады, - деді Шестакова.

Жөндеу бригадасы жөндеуді 167 мың теңгеге бағалаған. Бұл  жергілікті  зейнеткер тұрғындар үшін көп ақша, бірақ жағдайдың ең сорақысы - қалпына келтіру жұмыстары жарықшақтардың қайта пайда болмайтынына кепілдік бермейді.

Үй тұрғындары да басқармаға жүгінген, бірақ кеңседегілер ештеңе істей алмайтындарын айтты.

—Тұрғындармен шарттық қарым-қатынасымыз бар. Жертөледе инженерлік коммуникацияларды жүргіземіз. Яғни, жылу, кәріз. Аула аумағын және кіреберістерді тазалау. Тұрғындар қажет деп есептейтін басқа жұмыстардың барлығы: тігістерді тығыздау,  шатырын, қасбетін жөндеп жатыр, кіре берісті де олар өз қаражатына жасайды, - дейді «Ремсервис-2007» ЖШС директоры Галина Алина.

Тұрғын үй инспекциясы басқармасының мамандары келеңсіздікке ұшыраған үйге жақын күндері баруға уәде бергенімен, үйдің апаттылық  дәрежесін анықтау үшін тұрғындардың ақша төлейтінін бірден ескертті.

— Қорытынды алған тұрғындар үй құрылысының апатты жағдайын растайтын болса, халыққа қызмет көрсету орталығы арқылы кезекке тұруға және жергілікті атқарушы органдарға жүгінуге құқылы, ал ол жерде қала немесе аудан әкімдігі қазірдің өзінде қабылдауда. Уақытша баспанаға көшіру шаралары қарастырылған. Аталған  қорытындысыз бұл үйді апатты деп тану мүмкін емес, - деп түсіндірді Павлодар қалалық тұрғын үй инспекциясы бөлімінің басшысы Нұрлан Рашитов.

Барлық құжаттарды қарап шығу және өңдеу ұзақ уақыт алуы мүмкін. Сондықтан әзірге жергілікті тұрғындар ақауды өз бетінше жамап-жасқамақ.