Павлодарда рэкетирлікпен айналысқан адам ұсталды

Павлодарда құқық қорғаушылар көптен назарда жүрген өңірде рэкетирлікпен айналысқан күдіктіні ұстады, деп хабарлайды Orda.kz. 

Оған  өндірістік кәсіпорынды рейдерлік жолмен тартып алды деген айып тағылып отыр. Соның кесірінен меншік иелері 1 млрд теңге көлемінде шығынға батқан. Күдікті 2 ай мерзімге қамалды. Оның сыбайласы болуы мүмкін деген адам үй қамағына алынды. 

Қазіргі уақытта күдіктінің басқа да қылмыстық оқиғаларға қатысы бары тексеріліп жатыр. Мәліметке қарағанда, ол көбіне жеке және заңды тұлғалардың жылжымайтын мүлкіне қол сұққан. Мамандандырылған тергеу соты күдіктіні екі айға қамауға алу туралы шешім шығарды.