Павлодарда RBK банкі директорының мәйіті табылды

Павлодар қаласында RBK банк бөлімшесі директоры Евгения Байсаринаның мәйіті табылды. Қазір тергеу амалдары жүріп жатыр.

Бұл туралы Orda.kz хабарлады.

– 1972 жылы туған әйелдің денесі 5 қазан күні таңертең Бектұров көшесіндегі үйде орналасқан дүкеннің шатырынан табылған. Тергеу анықтағандай, әйел сегізінші қабаттағы балконнан секірген. ҚР Қылмыстық кодексінің «Өз-өзіне қол жұмсау» бабы бойынша тергелуде, - дейді Павлодар облысы ІІД баспасөз қызметі.

RBK Bank өз түсініктемесінде Павлодардағы филиал директорының қайтыс болғанын растады. Банк жұртты қорытынды жасауға асықпауға шақырды.

– Банк оқиғаның себептерін анықтауда тергеуге толық көмек көрсетеді. Бұл жұмыс аяқталғанға дейін банк тексерілмеген ақпаратты таратпауды сұрайды, - делінген Bank RBK хабарламасында.