Павлодарда Ұлы Отан Соғысының ардагерлеріне миллион теңге төленеді

Бұрын біржолғы төлем 500 мың теңгені болса, өткен жылы Ұлы Отан Соғысындағы Жеңістің 75 жылдығына орай бұл сома миллионға дейін өсті.

2021-2023 жылдарға арналған жергілікті өкілетті органдардың шешімі бойынша мұқтаж азаматтардың жекелеген санаттарына әлеуметтік көмек мөлшерін түзету туралы қалалық мәслихаттың кезекті сессиясы өтті. Сессия барысында Жұмыспен қамту және әлеуметтік бағдарламалар бөлімінің басшысы Гүлбарам Белялева баяндады.

— Бұл өзгерістер әлеуметтік көмектің біржолғы төлеміне ғана қатысты. Бірінші кезекте, ҰОС ардагерлері мен мүгедектері. Төлемді 500 мың теңгеден бір миллионға дейін ұлғайту көзделіп отыр, - деді ведомство басшысы.

— Сондай-ақ, басқа мемлекеттер аумағындағы соғыс ардагерлеріне, Ауғанстандағы соғыс ардагерлеріне, мемлекетаралық шарттар мен келісімдерге сәйкес міндеттерді орындаған ҚР әскери қызметшілеріне, Таулы Қарабақтағы этносаралық қақтығысты реттеуге қатысқан адамдарға біржолғы әлеуметтік көмек 50 - ден 75 мың теңгеге дейін ұлғайтылатын болады.