Павлодарда кондуктор зейнеткерді автобустан теуіп шығарды

Павлодарда зейнеткер қоғамдық көлікке отырмақшы болған, бірақ кондуктор оны көліктен шығарып жіберді, деп хабарлады Orda.kz.

Куәгерлер әйелдер арасындағы төбелесті видеоға түсіріп алған.

– Бүгін, №1 автобуста кондуктор зейнетақы куәлігінің жоқтығынан тарифті толық төлеуден бас тартқаны үшін зейнеткермен төбелесті, - деп жазды Instagram-дағы tipavlo.dar парақшасы.

Кадрда кондуктор әйел әжейді есіктен кіргізбей, оған аяқ көтергені түсіп қалған. Зейнеткерді теуіп шығарғаннан кейін, автобус бағыт бойынша жүріп кеткен. Жолаушылар қарт кісіге көмек көрсетпеді.

Түсініктемелерде қолданушылар автобус кондукторының шектен шыққан қылықтарына наразылық білдірді.

Павлодар қаласының әкімдігі болған оқиға үшін кешірім сұрады.

– Болған оқиға үшін кешірім сұраймыз. Біз бұл жағдайды парк басшылығымен міндетті түрде талдаймыз, тасымалдаушы компания қызметкерлерінің мұндай әрекеттеріне жол берілмейді. Ал кінәлі адамдар жазаланатын болады, - деп атап өтті Павлодар әкімдігі.

Сонымен қатар, осы қоғамдық көлікке жауап беретін автопарк сот ісінің аяқталмағандығын алға тартып, түсініктеме беруден бас тартты.