Павлодарда  есірткі жасырып жүрген студент ұсталды

19 жастағы жігіт құрамында 12 грамнан астам синтетикалық ұнтақ бар 13 пакетпен ұсталды.

Павлодар полицейлері есірткі пакеттерін жасырумен айналысқан студентті ұстады. Бір нұсқа бойынша студент интернет арқылы дәріхана курьері болып жұмысқа орналасқан. Павлодарлық жігіттің есірткімен айналысатыны туралы полицияға жергілікті тұрғындар хабарлаған.

— Павлодар қаласындағы оқу орындарының бірінің 19 жастағы студенті ұсталды. Жас жігіттен ұнтақ заты бар 13 бума тәркіленді, сараптама қорытындысы бойынша оның салмағы 12 грамнан асатын синтетикалық есірткі заттары екені анықталды, - деді Павлодар облысы бойынша ІІД басшысының орынбасары Болат Нұрсейітов.

Іс жүзінде ҚР Қылмыстық кодексінің 297-бабы 2-бөлігі бойынша сотқа дейінгі тергеу амалдары жүргізілуде. Күдікті қамауда. Нұсқа бойынша студент дәріханалардың бірінде курьер болып жұмыс істеген.

Студент тікелей байланыссыз жолмен қомақты есіртікіні алып кетіп, оларды үйінде бір реттік доза ретінде орап, құпия жерлерге жасыру арқылы  бүкіл қалаға таратумен айналысқан.