Павлодарда ер адам лифт шахтасына түсіп кетті

Құтқарушылар лифт шахтасына құлап кеткен адамды алып шықты, деп хабарлады Павлодар облысының Төтенше жағдайлар департаменті.

Оқиға 28 қаңтарда орын алған. Сағат 20:40-та «112» нөміріне қонақ үй әкімшісінен хабарлама келді. Оның айтуынша, ер адам төртінші қабаттан лифт шахтасына құлап кеткен.

Құтқарушылар оқиға орнына дереу барып, қолдан жасалған құралдардың көмегімен жәбірленушіні алып шықты. 1987 жылы туған ер адамның денесі көгеріп, түрлі жарақат алған. Құтқарушылар оны жедел-жәрдем қызметкерлеріне тапсырды.