Павлодарда дені сау адамды 16 жыл бойы психоневрологиялық орталықта ұстап келген

Павлодарда 16 жылдан бері психоневрологиялық орталықта еш себепсіз жатқан адам белгілі болды. Ол бұл орталыққа 2008 жылы сот шешімімен орналастырылған, деп хабарлайды Orda.kz.

Азаматты мамандандырылған мекеменің қамқорлығына 2008 жылы сот шешімімен жатқызғаны белгілі болды. Алайда, ол сауығып кетсе де психоневрологиялық орталық оны жібермеген. Прокуратураның араласуынан кейін ғана мамандар оның денсаулық жағдайының қалыптылығын атап өтті, ал орталық қызметкерлері оны назардан тыс қалдырып келген.

Осыған байланысты құзырлы орган сот-психиатриялық сараптама жүргізіп, азаматты әрекетке қабілетті деп таныды. Психоневрологиялық орталық қамқорлығының күші жойылып, кінәлі адамдар тәртіптік жауапкершілікке тартылды.