Павлодарда дәрігерлер инновациялық әдіс арқылы ауыр науқас әйелді құтқарды

Қазақстандық кардиохирургтар науқастың жүрегіне операция жасамай-ақ, жүрек қақпағын ауыстырып, аман сақтап қалды.

Үш жыл бұрын Елена Нұрахметоваға митральды қақпақша имплантацияланды. Кейін имплант зақымданып, денсаулығы күрт нашарлай бастаған әйелге қайта ота жасау керек болды. Операцияға дайындық бір айға жуық уақыт алды.

Дәрігерлер Ұлттық кардиохирургия орталығында зерттелген озық технологияны қолдануды ұйғарды. Оларға көмекке астаналық әріптестері келді. Мамандар феморальды тамырдағы пункция арқылы қажетті әрекет жасады. Дәрігерлер бұл әдісті алғаш рет қолданып отыр.

Емдік шара сәтті өтті. Қазір Нұрахметова ауруханадан шығуға дайындалып жатыр. Бұл технология Павлодар кардиохирургиялық орталығында жасалған бірде бір инвазивті хирургиялық араласу ретінде тізілімге енгізілді.