Павлодарда дүкенді тонап кеткен ұры полиция қызметкері болып шықты

Бір апта бұрын желіде қолына қару ұстаған ер адам кассада тұрған әйелден ақша бопсалағаны туралы видео тарады. Бұл туралы ORDA хабарлады.

Анықталғандай, оқиға Павлодарда орын алған. 120 мың теңгені қолды еткен 22 жастағы ұрыны құқық қорғаушылар бірден ұстаған. Күдікті ер адам сол күні екі дүкенді тонаған.

ІІМ Көліктегі полиция департаментінің баспасөз қызметі дүкен тонамақшы болған қарулы адам желілік полиция бөлімінің қызметкері екенін айтты. Ол бір жылдай кіші сержант болып жұмыс істеген.

Қазір істі тергеу жалғасып жатыр.