Павлодарда бояу өнімдері қоймасы өртенді

28 қараша күні Павлодардағы «Лакра» бояу өнімдері қоймасында реактор өртенді.

«2021 жылғы 28 қарашада сағат 22.01-де «101» пультіне Павлодардағы «Лакра» ЖШС лак-бояу бұйымдарын дайындау және сақтау жөніндегі жеке қоймада Северная промзона, 53а көшесіндегі өрт туралы хабарлама келіп түсті. Сағат 00.05-те 432 шаршы метр алаңда лак-бояу бұйымдарын өндіретін алты металл реактор өртенді» деп хабарлады Павлодар облысы ТЖ департаменті.

Өртті сөндіру кезінде Павлодар облысы ТЖД 41 қызметкері мен тоғыз техникасы, сондай-ақ «ПМХЗ» ЖШС қызметкерлері мен техникасы жұмылдырылды.

Қаза болғандар мен зардап шеккендер жоқ. Мән-жайлар, себеп және залал анықталуда.