«Павлодарда балаларымен бірге терезеден секірген әйел»: Аман қалған бір ұлы ауруханадан шықты

Павлодарда терезеден балаларымен бірге секірген әйелдің бір ұлы көз жұмған еді. Ал аман қалған жеті жастағы ұлы ауруханадан шықты, деп хабарлайды Orda.kz

Өңірдің денсаулық сақтау басқармасының мәліметінше баланың жағдайы бір қалыпты.

«Динамикасы оң, жағдайы қанағаттанарлық. Бір ай бойы қатаң төсек режимі және тұрғылықты жеріндегі орталықта бір жыл бойы әрі қарай оңалту қажет» деп жазылған хабарламада.

Бала анасымен бірге ауруханаға түскен. Қазіргі уақытта анасы ауыр халде жансақтау бөлімінде жатыр, бірақ есін біледі. Сүйек сынықтарына байланысты оған бірнеше ота жасалған.

30 шілдеде Павлодар тұрғыны екі баласымен бірге бесінші қабаттан секіріп кеткен еді. 1 тамызда бір жарым жастағы кенже бала ауруханада көз жұмды.