Павлодарда балаларға жарамдылық мерзімі өтіп кеткен екпе егілді

Павлодар облысында прокуратура медициналық ұйымдардағы екпе науқанының заңдылығына қатысты тексеріс жүргізді.

Тексеру барысында 21 миллион теңгеден астам сомаға 9,5 мыңнан астам вакцинаны ұтымсыз пайдалану фактілері анықталды.

«Атап айтқанда, денсаулық сақтау басқармасының орталықтандырылған сақтау қоймасынан жарамдылық мерзімі бар дәрілер емдеу мекемелеріне шығарылды. «Пентаксим» препаратының 135 дозасы препараттың жарамдылық мерзімі аяқталған күні Павлодардағы емханалардың біріне жіберілген. Тағы бір жағдайда екі балаға жарамдылық мерзімі өтіп кеткен дәрі-дәрмекпен екпе жасалған» деп мәлімдеді облыстық ведомство.

Сонымен қатар, кәмелетке толмағандарға қызылшаға қарсы жалған екпе жасау фактілері де белгілі болды.

Қазір жарамсыз дәрілерді кәдеге жаратқан кінәлілердің барлығы жауапқа тартылып жатыр.