Павлодарда автокөлік өртеніп, бір отбасы мүшелері зардап шекті

Екі жас бала мен олардың анасы күйікпен ауруханаға жатқызылды, жүргізуші амбулаторлық емделуге жіберілді, деп хабарлайды Orda.kz.

Павлодардың бір көшесінде 24 мамыр күні кешке көлік өртеніп кетті. Бүгін белгілі болғандай, көлікте үш ересек адам мен екі бала болған. 

«Өрт сөндірушілер жарылысқа жол бермей, жедел түрде өртті сөндірді. Сондай-ақ, жедел жәрдем қызметкерлері мен апат медицинасы орталығының бригадасы автокөліктегі барлық адамдарды қарап шығып, зардап шеккендерге, соның ішінде екі балаға шұғыл медициналық көмек көрсетті», деп хабарлады ТЖД. 

Өңірлік ТЖ департаментінің хабарлауынша, таксиде ерлі-зайыптылар балаларымен келе жатқан.

«2023 жылы туған қыздың бетін, екі қолын, бел аймағын I-II дәрежелі термиялық күйік шалған, зақымдану аумағы - 18%. 2016 жылы туған тағы бір қыз баланың бетін, екі қолын, оң балтырын І-ІІ-ІІІ дәрежелі күйік шалған, зақымданған аумақ - 7%. Балалар травматологиялық бөлімге жатқызылды, оларды әкесі алып жүрді. Қазіргі таңда балалардың жағдайы тұрақты», деп хабарлады облыстық балалар ауруханасы. 

1992 жылы туған әйел ІІІ дәрежелі термиялық күйік алып, № 1 қалалық аурухананың жансақтау бөлімінде жатыр.

Қолы күйген жүргізуші амбулаторлық емделуге жіберілді.