Павлодарда ақша жымқырған жүкті әйел мейрамхананы «бомбалады»

Павлодарда мейрамханада бомба қойылғаны жайлы жалған ақпарат берген жүкті әйел 1 жыл 6 айға бас бостандығынан айырылды, деп хабарлайды Orda.kz.

2024 жылы жаңа жылдық іс-шараға қараша айынан жиналған ақшаны өз пайдасына жұмсаған әйел, белгіленген уақытқа дейін жинауға үлгеремін деп ойлаған. Алайда ақша тауып үлгермей, шарасыздықтан «Інжу» мейрамханасында бомба қойылғаны жайлы хабарлады. 

«Жедел-іздестіру шаралары нәтижесінде сол күні полиция Павлодар қаласының 27 жастағы тұрғынын анықтап, ұстады. Терроризм актісі туралы жалған хабарлама бергені үшін қылмыстық іс қозғалды»,  деп хабарлады Павлодар облысы полиция департаменті.

Павлодарлық әйел ескі SIM-картаны пайдаланып, қоңырау шалған. Сосын орнына жаңа SIM-карта салып алған. Сотта үш баланың анасы және қылмыс жасаған кезде жүктіліктің 8 айындағы әйел — қылмысын мойындады. 

Бұған дейін Павлодарда күйеуі өз әйелін әдейі көлікпен қаққан болатын. Салдарынан әйелдің аяғын кесіп тастады.