Павлодарда 20 жыл бұрын кісі өлтірген ер адам ұсталды

Павлодарлық жедел уәкілдер 22 жыл бойы соттан жасырынып келген азаматты ұстады.

«Жедел-іздестіру іс-шаралары барысында Павлодар облысының жедел уәкілдері Ресей Федерациясы Дағыстан Республикасының Каспийск қаласында Павлодар облысының Екібастұз қаласында кісі өлтіру қылмысын жасады деген күдікпен 41 жастағы ер адамды ұстады. Ұсталған азамат қамауға алынды» деді Павлодар облысының полиция департаментінің бастығы Нұрлан Мәсімов.

Қылмыс 1999 жылы 4 сәуірде Екібастұз қаласындағы Ломоносов көшесіндегі үйдің кіреберісінде жасалған. Екібастұз қаласының 36 жастағы тұрғынын өлтірген 19 жастағы жас жігіт атыс қаруын қолданған.

«Аталған факті бойынша ҚР Қылмыстық кодексінің 96-бабы бойынша қылмыстық іс қозғалды. Тергеуден қашып кеткен күдіктіге іздеу жарияланды» делінген Павлодар облысының баспасөз қызметінің хабарламасында.

Тергеу кезінде күдіктінің 1999 жылы ұрлық, төрт тонау және кісі өлтіру сияқты бірқатар ауыр қылмыстар жасағаны анықталды. Ер адам қылмысты өзінің таныстарымен бірге жасаған.