Павлодарда 20 жастағы жігіттің өлі денесі табалдырықтан табылды

Павлодардағы көпқабатты үйлердің бірінде жантүршігерлік оқиға орын алды. Үйдің тұрғындары өз табалдырығынан қаңсырап жатқан адамды тапты. Олар дереу жедел жәрдем шақырды.

Бұл туралы Orda.kz облыстық денсаулық сақтау басқармасының баспасөз хатшысы Эльмира Темірғалиеваға сілтеме жасап хабарлады.

Жедел жәрдем көлігі оқиға орнына 7 минутта келді. Бірақ жігітті құтқарып қала алмады.

Белгілі болғандай, 2001 жылғы марқұм пышақ жарақатын алған.

– 3 қазанда сағат 02:25 шамасында Павлодар қаласының Академик Сәтбаев көшесіндегі 247-үйдің жанынан 20 жастағы ауыл тұрғынының пышақ жарақатын алған мәйіті табылды. Күдікті ретінде 23 жастағы Павлодар тұрғыны ұсталды, - деп хабарлады Павлодар облысы ІІД баспасөз қызметі.

ҚР Қылмыстық кодексінің 99-бабы бойынша (кісі өлтіру) сотқа дейінгі тергеу басталды. Күдікті 8-15 жыл аралығында бас бостандығынан айрылуы мүмкін.

Ұсталған адам уақытша ұстау изоляторына қамалды. Басқа ақпарат тергеу мүддесі үшін жария етілмеген.