Павлодар облысындағы орман өрті оқшауланды

Кешелі бері Павлодар облысында жанып жатқан орман өртінің  аумағы 850 гектарға жетті.

Жексенбі, 16 шілдеде сағат 14:00-де Павлодар облысы Шарбақты ауданына қарасты «Ертіс орманы» табиғи резерватындағы өрт оқшауланды. Оны толық жою жұмыстары жалғасуда, деп хабарлайды Orda.kz. облыс әкімдігінің баспасөз қызметіне сілтеме жасап.

Өрттің аумағы шамамен 850 гектар болды. Бұған дейін 800 гектарға жуық деп хабарланған болатын.

Өртті сөндіруге 350-ден астам адам, 102 техника, оның ішінде 4 МИ-8 ұшағы мен Қазақстан Республикасы Төтенше жағдайлар министрлігінің «Eurocopter» тікұшағы жұмылдырылған.

Оқиға орнында Төтенше жағдайлар министрі мен облыс әкімі жүр. Бүгін таңертең олар орман шаруашылығы аумағы үстінен ұшып өтті. Өрттің қатты белең алған тұсы  -  Бауыртау орман шаруашылығының 98 орамында байқалды.