Павлодар облысында жолда қалған көліктер мен адамдар құтқарылуда (видео)

Павлодар облысында 150-ден астам көлік қар құрсауынан құтқарылып, жылыту пункттеріне 140 адам жеткізілді, оның 15-і балалар деп хабарлайды Pavlodarnews.kz

Кеше, 5 наурыз күні сағат 12:30-да боранға, ауа райы нашаралап,  «Нұр-Сұлтан – Шідерті»  тас жолының 200-254 шақырымында көліктер қиындыққа тап болды.   Шідерті кентінен Ақмола облысының шекарасына дейінгі автомобиль жолында көлік құралдарының барлық түрлері үшін қозғалыс жабылғандығы хабарланды.

– Желдің күшеюіне байланысты қозғалыс екі бағытта да жабылды. Бірақ сол уақытта 500-ге жуық көлік Нұр-Сұлтаннан шығып кеткен болатын. Соның ішінде жолдың көрінбеуінен, дауылдың салдарынан қар құрсауында қалғандар бар. Павлодар облысына кіріп үлгерген көліктер саны - 150-170,  деді «ҚазАвтоЖол» АҚ облыстық филиалының директоры Ақылбек Қабылдин өңірлік коммуникациялар қызметінде өткен жиында.