Павлодар облысында жан түршігерлік жол апаты болды

Павлодар-Ақсу автожолында жол апаты салдарынан  кәмелетке толмаған скутер жүргізушісі мен жолаушы қайтыс болды.

Бұл туралы  Павлодар облысы полиция департаменті хабарлады.

Облыстық жедел жәрдем стансасы шақыртудың 5 маусымда сағат 16:54-те түскенін хабарлады. Скутер  КамАЗ жүк көлігіме Қарабай ауылы аумағында соқтығысқан. Екі жедел жәрдем бригадасы жұмылдырылып, тоғыз минутта оқиға орнына жеткен.

Дәрігерлер 15 жасар жасөспірімнің қайтыс болғанын хабарлады. Ауыр жарақат алған тағы бір 15 жастағы бала №1 қалалық ауруханаға жеткізілді. Алайда, екінші жасөспірім қайтыс болды.