Павлодар облысында жан түршігерлік апаттан жүкті әйел қайтыс болды

Павлодар облысында адам өліміне әкеп соқтырған жол-көлік оқиғасы орын алды, деп облыстық полиция департаменті баспасөз қызметі хабарлады.

«13 ақпан күні сағат 16:20-да Ресей Федерациясының Ленинский – Ертіс – Русская поляна тас жолының 43-ші шақырымында жола апаты орын алды. Ақтоғай ауданы Өтес ауылынан 4 шақырым жерде «Ауди 100» автокөлігінің 35 жастағы жүргізушісі жылдамдықты асырып, Toyota Camry 20 көлігімен соқтығысты» деді Павлодар облыстық полиция департаменті бастығының бірінші орынбасары Жасқайрат Қайыров.

Оқиға салдарынан Ауди 100 көлігінің 26 жастағы жолаушысы алған жарақаттарынан оқиға орнында көз жұмды. Ауди 100 көлігінің жүргізушісі мен оның 2013 жылы туған жолаушысы, Toyota Camry 20 көлігінің 24 жастағы жүргізушісі мен 4 жолаушысы түрлі дене жарақаттарымен ауруханаға жеткізілді.

Tipavlo парақшасының хабарлауынша, жүкті әйел аталған апаттан қайтыс болды. Ол Ауди 100 көлігін тізгіндеген жүргізушінің әйелі болған. Марқұмның артында үш баласы қалған.

Жасқайрат Қайыров көліктердің мамандандырылған айыппұл тұрағына орналастырылғанын атап өтті. Бұл факті бойынша тергеу амалдары жүргізілуде.