Павлодар облысындағы колония бастығының орынбасары 3,5 жылға сотталды

Павлодар облысындағы түзеу мекемесі бастығының орынбасары пара алғаны үшін 3,5 жылға сотталды. Іс ҚР ҚК 190-бабы (қызмет бабын пайдалана отырып бірнеше рет алаяқтық жасау) бойынша қаралды.

Оған үш жыл алты ай мерзімге бас бостандығынан айыру жазасы тағайындалды. Сонымен қатар, ол «әділет подполковнигі» арнаулы атағы мен өмір бойы мемлекеттік қызметте жұмыс істеу құқығынан айырылды, - деп хабарлады Павлодар қаласының №2 сотында.

Сот өзінің қызметтік жағдайын пайдалана отырып, мекеме бастығының орынбасары осы мекемеде жазасын өтеп жатқан сотталған Б.-дан жеке қамқорлығы, жазасын өтеу режимін жеңілдеткені және шартты түрде мерзімінен бұрын босату немесе жазаның неғұрлым жеңіл түріне ауыстыру туралы мәселелерді оң шешкені үшін 400 мың теңге пара алды деп тапты.

Сот оның бұрын сотталмағанын, өз кінәсін толық мойындағанын және жәбірленушіге 400 мың теңге өтемақы төлегенін назарға алды, сонымен қатар оның үш баласы бар. Үкім заңды күшіне енген жоқ.