Павлодар облысында полиция қызметкерінің өлі денесі табылды

23 ақпан күні таңертең Павлодар облысы М.Омаров атындағы ауылда полиция инспекторының мәйіті өз қорасынан табылды.

«23 ақпан күні сағат 06:35-те Ақсу қаласының М.Омаров атындағы ауылында өз-өзіне қол жұмсаған учаскелік полиция инспекторының мәйіті үйдің қорасынан табылды» деп хабарлайды Павлодар облысы ПД баспасөз қызметі.

Қазір қайғылы оқиғаның мән-жайы мен себептері анықталуда. Әйелінің айтуынша, олар күйеуімен жиі ұрысып қалатын.

Сондай-ақ, полицейлер ҚР Қылмыстық кодексінің «Өзін-өзі өлтіруге итермелеу» бабы бойынша сотқа дейінгі тергеу амалдарын бастады.