Павлодар облысында оқушыларды тасымалдайтын көлік өртке оранды

Павлодар облысында оқушыларды тасымалдайтын автобус тас жолдың үстінде өртеніп кетті. Оқиға кезінде көлік ішінде алты бала болған. Оқиға видеосы жергілікті instagram парақшаларының бірінде жарияланды.

Павлодар облысы ТЖД баспасөз қызметінің хабарлауынша, оқиға 23 желтоқсанда түстен кейін Павлодар облысының Ефремовка және Даниловка ауылдары арасындағы тас жолда болған.

«Ашық аумақта 2007 жылғы ГАЗель автокөлігі толығымен жанып кетті. Өрт аумағы 8 шаршы метрді құрады. Өрт сөндірушілер келгенге дейін жүргізушімен бірге алты бала эвакуацияланды» деп хабарлады ведомствоның баспасөз қызметі.

Сондай-ақ, бұл жерде көлікте болған өрт сөндіргіш қолданылмағаны нақтыланды.

«Алдын ала мәліметтер бойынша, өрттің шығуына электр сымдарының қысқа тұйықталуы себеп болған» деп атап өтті Павлодар облысы ТЖД баспасөз қызметі.

Оқушылардың ешқайсысы зардап шеккен жоқ.