Павлодар облысында қылмыстық топ мүшелері ұсталды

Павлодар облысы полицейлері бопсалады және пәтер тонады деп айыпталған қылмыстық топты ұстады.

Тергеушілердің айтуынша, ұсталғандар қылмыстық дауларға араласып, бопсалаумен айналысады.

Қылмыстық топ құрамында 25 пен 35 жас аралығындағы жастар болған. Олардың бес бопсалау ісіне қатыстылығы анықталды. Сонымен қатар облыс аумағында қару қолдану арқылы бұзақылық және пәтер тонау әрекеттеріне қатыстылығы тексерілуде.

Тінту кезінде күдіктілерден бес атыс қаруы мен травматикалық қару, қолдан жасалған пышақтар, сондай-ақ РГД-5 гранатасы табылды. Тәркіленген қаруға сараптама тағайындалды.

«Қылмыстық топтың жеті мүшесі ұсталды, оның ішінде ең белсенді үшеуі уақытша ұстау изоляторына қамалды. Жедел-іздестіру шаралары жалғасуда. Тергеу ҚР Қылмыстық кодексінің бірнеше бабы бойынша жүргізілуде», - деді ҚР ІІМ ТЖКБ өкілі Қуандық Алпыс.