Павлодар облысында әлі жаумаған қарды шығару жұмыстары үшін қаражат төленді

Павлодар облысындағы шенеуніктер әлі түспеген қарды тазалау үшін мердігер компанияға ақша төлеген.

Бұзушылықты Антикор еріктілері анықтады.

Сыбайлас жемқорлыққа қарсы қызмет Құндыкөл ауылдық округінің әкімдігі мемлекеттік сатып алу порталында бюджет қаражатын негізсіз жұмсаған деп санады.

10 ақпанда әкімдік үш ауылды қардан тазалауға 1 млн теңгеге келісім жасасқан. Байқау бір көзден өткізілді, жұмыс 2023 жылдың қаңтар, ақпан, наурыз, қараша және желтоқсан айларында атқарылуы тиіс болатын.

Бір қызығы, алда әлі екі ай жұмыс бар, Баянауыл өңіріне қар әлі түскен жоқ, бірақ әкімдік наурыз айында толық көлемде жұмысты аяқтау актісіне қол қойған.

«Бұл факт ҚР Бюджет кодексінің 4-бабының 9-тармақшасымен реттелетін негізділік принципінің бұзылғанын көрсетеді» деп хабарлады Павлодар облысы бойынша Сыбайлас жемқорлыққа қарсы қызметі.