Павлодар облысында 23 жастағы өрт сөндіруші қайтыс болды

Өртті сөндіргеннен кейін азаматтық қорғау сержанты Арыстанбек Машрап есінен танып, ауруханаға жатқызылды, содан кейін қайтыс болды, деп хабарлады ҚР ТЖМ-нің ресми өкілі Талғат Уәли.

Өрт Ақсу қаласындағы төрт бөлмелі тұрғын үйден шыққан. Оқиға орнына өрт сөндірушілер келді, оның ішінде Арыстанбек Машрап пен Ермек Тұрлыбеков бар. Өртті сөндіргеннен кейін екеуі де ауырып қалды.

-Есін жоғалтқан өрт сөндіруші Ақсу ауылының ауылдық дәрігерлік амбулаториясына жеткізілді. Көп ұзамай Арыстанбек Машраптың қайтыс болғаны айтылды. Өлімнің себебі анықталып жатыр, - деп хабарлады ТЖМ.

Онымен бірге азаматтық қорғаудың кіші сержанты 1995 жылы туған Ермек Тұрлыбеков ауруханаға жеткізілді. Қазір ол Ақсу қалалық ауруханасында жатыр.

Арыстанбек Машрап азаматтық қорғау органдарында 2018 жылдан бері жұмыс істейді. Павлодар қаласының тумасы, үйленген.

-Төтенше жағдайлар министрлігі оның мезгілсіз қайтыс болуына байланысты отбасы мен достарына қайғыларына ортақтасып көңіл айтады, - деп хабарлады министрлік.

-1991-2021 жылдар аралығында 53 азаматтық қорғау қызметкері қызметтік міндеттерін орындау кезінде қаза тапты, деп хабарлады министрлік.