Павлодар облысы әкімінің орынбасары баласы бар әйелді зорлағаны рас па?

Аталған факті бойынша қылмыстық істің қозғалуына облыс әкімі орынбасарының өтініші себеп болған, деп хабарлайды Orda.kz порталы.

Айта кетейік, бұған дейін де Серік Батырғожиннің екі баласы бар әйелді зорлағаны туралы ақпарат әлеуметтік желіде тараған болатын. Әкімнің орынбасары бұл айыптаумен келіспей, әйелді сотқа берді.

Павлодар облысы әкімінің баспасөз қызметі аталған оқиғаға байланысты ресми мәлімдеме жариялады.

«Павлодар облысы әкімінің бірінші орынбасары Серік Батырғожинов биылғы 8 қаңтардан қазіргі уақытқа дейін денсаулық жағдайына байланысты демалыста. Біздегі ақпарат бойынша Павлодар облысының полиция департаменті жеке тұлға Серік Батырғожиновтың өтінішіне сәйкес бопсалау фактісі бойынша қылмыстық іс қозғады. Жәбірленуші тарап - Серік Батырғожинов», - деп мәлімдеді баспасөз қызметі.