Павлодар мұнай-химия зауытында өрт шықты: зардап шеккендер бар 

28 наурызға қараған түні Павлодар мұнай-химия зауытында өрт шығып екі қызметкер күйіп  қалды, деп хабарлайды Orda.kz.

Облыстық төтенше жағдайлар департаментінің мәліметінше, өрт 50 шаршы метр аумаққа жайылған. 1989 және 1982 жылдары туған екі қызметкер күйік алды. Дәрігерлер алғашқы медициналық көмек көрсетіп, ауруханаға жатқызу қажеттілігі болмады.

Сонымен қатар, департаменттің мәліметінше, төгілген сұйықтық тұтанып, толығымен жанып кеткен. Зауыт жабдығына зақым келмеген.  

Өрт сағат 23:40-та басталған. Алғашқы болып зауыттың өрт сөндіру қызметкерлері тілсіз жаумен күресе бастады, кейіннен оларға қалалық өрт сөндіру жасақтары қосылды. Олар қайта тұтанудың алдын алу үшін қондырғыларды салқындатты.