Павлодар мұнай-химия зауытының бас директоры жымқыру фактісі бойынша ұсталды

Қаржы мониторингі агенттігі «Павлодар мұнай-химия зауыты» ЖШС бас директоры Оспанбек Әлсейітовтің ұсталғанын растады.

Павлодар облысы бойынша аумақтық департаменті ПМХЗ басшысы Оспанбек Әлсейітовке және басқа да тұлғаларға қатысты сотқа дейінгі тергеу жүргізіп жатқаны хабарланды.

Іс «ПМХЗ» ЖШС-нің дизельдік отын өндіру процесін толықтыру жөніндегі функцияларын аутсорсингке заңсыз иеліктен шығару фактісі бойынша жүргізілуде.

Олар Қылмыстық кодекстің 189-бабы бойынша күдікті.

Павлодар қаласының мамандандырылған тергеу соты күдікті Әлсейітовке «қамау» түріндегі бұлтартпау шарасы ретінде 2 ай мерзімге санкция берді.

«Сотқа дейінгі тергеп-тексеру жалғасуда, басқа мәліметтер тергеу мүддесі үшін жария етілмейді» деп түсіндірді қаржы мониторингі агенттігі.

Айта кетсек, кеше тұтқындалған ПМХЗ бастығының ұлы Қазақстан президенті Қасым-Жомарт Тоқаевқа видеоүндеу жолдаған болатын. Оның айтуынша, тергеу Оспанбек Әлсейітовті бұл қызметке 2017 жылдың 22 желтоқсанында тағайындалғанымен, 2018 жылдың 3 қаңтарында қоспаларды жеткізу шартына қол қойған деп айыптап отыр. Ұлының айтуынша, бұл құжаттар Оспанбек Әлсейітов «ҚазМұнайГаз» басқармасында жұмыс істеп жүрген кезінде қабылданған.