Павлодар көшесінде түйе не істеп жүр?

Бүгін таңертең Павлодарда Торайғыров көшесінде педагогикалық университеттің жатақханасы маңында жол бойында жүгіріп келе жатқан түйе ұсталды. 

Жануарды алдымен Омбы тас жолындағы жанармай құю бекетінен байқаған. Одан кейін Торайғыров пен Бектұров көшелерінің қиылысында көрінді. Жеңіл көліктегі полицейлер түйені жолдан шығарып жібермек болған. Алайда жануар аулаларға кіріп кеткен.

"Қазір полицейлер жануардың иесін анықтады. Жануарларды ұстау ережелерін бұзғаны үшін иесі жауапкершілікке тартылды" деп хабарлады Павлодар облыстық полиция департаментінің баспасөз қызметі.