Павлодар әкімдігі жауған қарды видеоға түсірген әжейді кешірім сұратып қойды

Баянауыл ауданы Егіндібұлақ ауылының тұрғыны ауа-райы қолайсыздығын видеоға түсіргені үшін жергілікті әкімнен кешірім сұрады.

Бұл туралы Orda.kz хабарлады.

Әжейдің кешірім сұраған видеосы Instagram желісінде пайда болды.

Бірінші видеода қария ауласындағы қардың биіктініе көрсетіп, қазан айында қар дәл қаңтар-ақпан айларындағыға ұқсайды деген.

Бейнежазба сипаттамасында әйел бейнежазба үшін әкімдіктен кешірім сұрауға мәжбүр болғаны айтылды.

Видеоның жалғасында ауыл тұрғыны камераға жауған қарды түсіргенін мойындап, бірақ еш шағымы жоқ екенін қосады.

– Таңертең немеремді мектепке шығарып салып, есікті ашсам қалың қар түскенін көрдім. Еш шағымым жоқ. Мен шағымданатын адам емеспін. Қарды видеоға тек түсіріп, жақындарыма жібердім. Түркістандағы туыстарымда әлі мұндай қар болған емес, - дейді қария.

Видеоның түсіріп тұрған азамат одан әкімдікке қандай шағымы бар деп сұрайды. Оған әжей еш шағымы жоқ екенін айтып, кешірім сұрайды.

Бұл жағдай желі қолданушыларының наразылығын тудырып, олар әкімдікке хабарласты.

Шенділер жауабы

Баянауыл облысының әкімі Қанат Кәрімов қол астындағы қызметкері оның тапсырмасын дұрыс түсінбегенін айтты.

– Бізде бұл аймақта бір тәулікте 1,5 айлық жауын-шашын мөлшері түсті.  Төтенше жағдай жариялап, әкімдерге тұрғындардың барлық өтініштерін қарауды тапсырдық. Бұл әйел қалың қардан есік алдына шыға алмай жатқанын айтып видео жариялады. Мұндай видеоларды басқа да ауыл тұрғындары түсіріп, жіберді. Басқа әкімдер техникаларды ұйымдастырып, жолдарды тазалап, есеп берді. Ал бұл әкім осылайша есеп берді. Техникасы жоқ болса, адамдарды жалдап, есік алдын тазалап берсе болады ғой. Жалғызбасты әйел, жолдасы мүмкіндігі шектеулі жандардың санатына кіреді. Дұрыс түсінбеген. Барлық әкімдер солай істеді, ал мына кісі тапсырманы дұрыс түсінбеген, - дейді Кәрімов.

Ол әжейден жеке өзі кешірім сұрағанын айтты.

– Мен осы қариямен танысып, қызметкердің өзін осылай ұстағаны үшін кешірім сұрадым. Қол астымдағылардың тапсырманы осылай түсінгені үшін кешірім сұрадым. Өте жаман көрінеді, білемін. Осы жағдайды зерттеп жатырмыз, қызметкерге тиісті жаза қолданылады. Біз тұрғындардың кешірім сұраған видеоларын емес, әкімдердің жұмыс істегенін бақылау үшін видео сұратамыз. Қазір көрші ауылдан техника алдыртып, барлық аулаларды тазалап шығамыз, - деді Кәрімов.  Қызметкердің тапсырманы осылай қабылдағаны үшін кешірім сұраймын. Әрине, бұл өте ұсқынсыз болып шықты. Біз бұл фактіні зерттеп жатырмыз, әрине біз оны жазалаймыз. Біз адамдардың кешірім сұрағаны үшін емес, әкімдердің жұмысы туралы фото және видеорепортажды талап етеміз. Енді біз көрші ауылдан техника әкелеміз, барлық аулаларды қардан тазалаймыз, - деді Кәрімов.

Осы тұста видеоны түсірген Егіндібұлақ ауылының әкімі Самат Ибраев та түсініктеме берді.

– Мен оның үйіне жағдай шынымен де осындай нашар ма, оған көмек керек пе соны білу үшін бардым. Мен барғанда видеодағы 2 метрлік қар болмады, үйдің артында ғана қар болды. Есік алдын әйел өзі тазалап алған. Мен осы жағдайды түсіндіру үшін оны видеоға түсірдім. Мен оған кешірім сұра деп айтпадым. Ол видеода көмек сұрамағанын айтты. Видео әкімдікке есеп беру үшін керек болды. Оны жұмыс тобына жібергенмін. Қалай желіде тарап кеткенін білмеймін, - деді Ибраев.