Павлодарға бара жатқан жолаушы пойызда босанды

Жолаушылар пойызында қыз бала дүниеге келді, деп «Қазақстан темір жолы ҰК» АҚ баспасөз қызметі хабарлады.

Жүкті жолаушы Анастасия Гранкина Тараздан Павлодарға келе жатқан. Жолда әйелдің толғағы басталып, ол пойыз қызметкерінен көмек сұрады.

Жедел жәрдем қызметкерлері келгенге дейін пойыз бастығының міндетін атқарушы Алдияр Теңгешев пен штаб вагонының кезекшісі Зина Күнісбаева жас анаға қажетті көмектің бәрін көрсетті.

Ақадыр станциясына кіре берісте Әмина есімді қыз дүниеге келді. Жақын станцияға жедел жәрдем шақыртылды. Баланың жағдайы жақсы, анасы ауруханаға жатудан бас тартып, олар Павлодарға қарай жолдарын жалғастырды.