«Пәтер алып беремін»: ХҚКО бас маманы тұрғындарды 180 млн теңгеге сан соқтырды

Шымкент қаласының Халыққа қызмет көрсету орталығында бас маман қызметін атқарған А. бірнеше адамды сан соқтырып кеткен, деп хабарлайды Orda.kz.

Шымкент соттарының мәліметінше, сотталушы А. 2022 жылы жәбірленуші К.-ға, алаңы 20,0800 га жер учаскесін оның атына жекешелендіріп беретінін айтқан. Әрі қарай, тестілеу орталығын ашып, бірге жұмыс істеуге келісіп, пәтерді арзан бағаға алып беретінін айтып, 113 млн теңге қаражат алған.

Қалған 14 жағдайда да дәл осындай тәсілмен 14 жәбірленушіден мемлекеттік бағдарлама бойынша пәтер алып беретінін айтып алдап, бірнеше рет аса iрi мөлшерде ақша алған. Жәбірленушілерге  жалпы  71 356 000 теңге материалдық зиян келтірген.