Пашинян Қарабақты Әзірбайжанның бір бөлігі деп тануға дайын екенін мәлімдеді

Армения Таулы Қарабақты Әзірбайжанның бір бөлігі деп тануға дайын. Бұл туралы Армения премьер-министрі Никол Пашинян мәлімдеді.

Пашинянның айтуынша, бұл Баку аймақтағы армян халқының қауіпсіздігін қамтамасыз ету шарты арқылы мүмкін болады.

«Армения Әзірбайжанның 86,6 мың шаршы шақырымдық аумақтық тұтастығын мойындауға дайын және біздің түсінігіміз бойынша Әзірбайжан Арменияның 29,8 мың шаршы шақырымдық аумақтық тұтастығын мойындауға дайын. 86,6 мың шаршы шақырымға Таулы Қарабақ та кіреді. Бірақ, бұл ретте Таулы Қарабақ тұрғындарының құқықтары мен қауіпсіздігі мәселесін Степанакерт-Баку диалогы форматында талқылау керек екенін айтамыз» деді Пашинян.