Партияның халық алдындағы барлық міндеттемелері мезгілінде орындалуы тиіс – Мамин

ҚР Премьер-Министрі Асқар Мамин «Nur Otan» партиясының сайлауалды бағдарламасының жол картасын іске асыру жөніндегі штаб отырысын өткізіп, мәдениет пен білім беруді дамыту мәселелері қаралды.

Бұл туралы Orda.kz primeminister.kz-ке сілтеме жасап хабарлайды.

Негізгі мәселелер ретінде, Мәдениет және спорт министрі Ақтоты Райымқұлова «Nur Otan» партиясының сайлауалды бағдарламасында 2025 жылға қарай 1500 мәдениет нысанын салу және жөндеу бойынша алға қойылған міндеттерді іске асыру барысы туралы баяндады.

Сондай-ақ, Петропавл және Шымкент қалаларында Назарбаев Университетінің тәжірибесі бойынша озық өңірлік жоғары оқу орындары құрылатын университеттер айқындалды.

Сөз соңында Асқар Мамин Nur Otan партиясының сайлауалды бағдарламасының жол картасын іске асыру бойынша биылғы жылға белгіленген нысаналы индикаторлардың орындалуына қатаң бақылауды қамтамасыз етуді тапсырды.