Партия төрағасы депутат Берденовтың видеосына қатысты пікір білдірді

Партия төрағасы Айдарбек Қожаназаров мәжіліс депутаты Руслан Берденовтың шатырда қаһарман бейнесінде түскен видеосына қатысты өз пікірін білдірді.

Бұл туралы Qaz365.kz  хабарлайды.

«Біріншіден, бұл Respublica партиясы туралы емес. Бұл видеоның партияға еш қатысы жоқ. Оны халық қалаулысы Руслан Берденов бос уақытында түсірген. Әлеуметтік жоба туралы бейнеролик. Депутат та адам. Ол бос уақытын еркінше пайдаланады. Ең бастысы, ол заңды бұзбады және жұмысымызға еш әсері жоқ. Бірақ құптаймыз ба, жоқ па, біржақты айта алмаймын»,- деп бөлісті Айдарбек Қожаназаров.  

Әлеуметтік желіде «Respublica» партиясының депутаты Руслан Берденовтің Астанадағы «Абу-Даби Плаза» ғимаратының төбесінде суперқаһарман костюмінде түсірілген видеосы тарап кетті. 

Республика партиясы басшысының айтуынша, желіде тарап кеткен видео олардың ұйымының беделіне нұқсан келтірмейді.